ගල්කිස්ස පොලිස් පොඩ්ඩා වෙනුවෙන් පෙනී සිටී නීතීඥ තාරක විධායක කමිටුවෙන් ඉල්ලා අස්වෙයි..

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

ගල්කිස්ස අධිකරණ භූමියේ ඇති වූ ආන්දෝලනාත්මක සිදුවීමේ දී පොලිස් කොස්තාපල්වරයා වෙනුවෙන් ඇප ලබා ගැනීම සඳහා නඩුවට පෙනී සිටි මාතර නීතිඥ සංගමයේ නීතිඥ හා වැලිගම ප්‍රාදේශීය සභාවේ මන්ත්‍රී තාරක නානායක්කාර මහතා එම සංගමයේ විධායක කමිටු ධුරයෙන් ඉල්ලා අස් වී ඇතැයි වාර්තා වේ.

ගල්කිස්ස අධිකරණ භූමියේ ඇතිවූ සිද්ධියෙන් පසු පැවති අධිකරණ ක්‍රියාවලියේදී පොලිස් කොස්තාපල්වරයාගේ පාර්ශ්වයට පෙනී සිටීම හේතුවෙන් නීතිඥ තාරක නානායක්කාර මහතාට පසුගිය දිනවල නීතිඥවරුන් පිරිසකගෙන් දැඩි විරෝධයක් එල්ල වූ බව පැවසෙන අතර ඔහුට මාතර නීතිඥ සංගමයේ සාමාජිකත්වයෙන් මෙන්ම එහි විධායක කමිටුවෙන් ද ඉල්ලා අස් වන ලෙසට බලපෑම් එල්ල වූ බවද ආරංචි මාර්ග සඳහන් කරයි.

ඒ අනුව මාතර නීතිඥ සංගමයේ විශේෂ විධායක කමිටු රැස්වීමක් කැදවා ඇති අතර එහිදී නීතිඥ තාරක නානායක්කාර මහතා විධායක කමිටු ධුරයෙන් ඉල්ලා අස්වන බවට වූ සිය ලිපිය බාර දී ඇතැයි වාර්තා වේ. කෙසේ වෙතත් ඔහු මාතර නීතිඥ සංගමයේ සාමාජිකත්වයෙන් ඉල්ලා අස්වී නොමැති බවද වාර්තා වේ.

මේ අතර මේ පිළිබඳව නීතිඥ තාරක නානායක්කාර මහතා පවසා ඇත්තේ, ගල්කිස්ස උසාවියේ නඩුවට පෙනී සිටියේ කොළඹ නීතිඥ සංගමයේ ලේකම්වරයා ද දැනුවත් කර අදාළ කොස්තාපල්වරයා දන්නා කියන හිතවත් පවුලක අයකු වූ නිසා බවත් මාතර නීතිඥ සංගමයේ විධායක කමිටුවෙන් ඉවත් වූයේ පෞද්ගලික හේතුවක් නිසා බවත් ය