කොට්ටහච්චිටත් අභියෝගයක්.. නීතීඥ සහතිකය ඉදිරිපත් කරන්නලු.. අධිකරණයට අපහාස කළ බවටත් චෝදනාවක්..

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

විපක්‍ෂය එකතුවන්නේ නීතියේ රැහැණින් ගැලවීමට බව ජාතික ජනබල වේගයේ පාර්ලිමේන්තු මන්ත්‍රීනි නිලන්ති කොට්ටහච්චි මහත්මිය කර තිබෙන ප්‍රකාශයෙන් අධිකරණයට අපහාස කර ඇති බවත් ඒ අනුව ඇය සිදු කර ඇත්තේ වසර පහක සිර දඬුවම් ලැබිය හැකි වරදක් බවත් පිවිතුරු හෙළ උරුමයේ නායක හිටපු අමාත්‍ය උදය ගම්මන්පිල මහතා පැවසීය.

මේ ප්‍රකාශය සම්බන්ධයෙන් නිලන්ති කොට්ටහච්චිට එරෙහිව අධිකරණයේ නඩු ගොනු නොකර සිටීමට නම් තමන් මේ ප්‍රකාශයෙන් අදහස් කලේ කුමක්ද කියා රටට ප්‍රකාශ කළ යුතු බව ඒ මහතා සඳහන් කළේය.

රටේ වත්මන් තත්ත්වය පිළිබඳව අද (29) දහවල් මාධ්‍ය සාකච්ඡාවකට එක්වෙමින් මේ බව සඳහන් කළ උදය ගම්මන්පිල මහතා තවදුරටත් කියා සිටියේ අධිකරණය සම්බන්ධයෙන් රටේ සාමාන්‍ය පුද්ගලයකුට වඩා නීතිඥවරියක් ලෙස නිලන්ති කොට්ටහච්චි සිදුකර ඇති එම ප්‍රකාශයට අධිකරණය සමාව නොදෙනු ඇති බවයි.

නිලන්ති කොට්ටහචිච් නීතිඥවරියකු ලෙස හැඳින්වුවද හැකිනම් තමන්ට ශ්‍රේෂ්ඨාධිකරණයෙන් නිකුත් කළ නීතිඥ සහතිකය ප්‍රසිද්ධ කරන ලෙස තමන් ඇයට අභියෝග කර සිටින බව ඒ මහතා අවධාරණය කළේය.

පසුගිය මහා මැතිවරණයේදී ජාතික ජන බලවේගයෙන් ඉදිරිපත්වූ අපේක්ෂකයින් තමන්ට නැති සුදුසුකම් ඇති බව පෙන්වමින් නීතිඥවරු,ඉංජිනේරුවරු,වෛද්‍යවරු,උපාධිධාරීන්,ජනාධිපති නීතිඥවරු, ආදී විවිධ නම්බුනාම ජනතාව ඉදිරියේ තබමින් ජනතාව මුලා කළ බව පෙන්වා දුන්නේය.

ඒ සඳහා හොඳම උදාහරණය ලෙස කථානායක ධූරයේ කටයුතු කළ අශෝක රන්වල පෙන්වා දිය හැකි බව පැවසූ ගම්මන්පිල මහතා ඔහු අදටත් ඔහුගේ අධ්‍යාපන සහතිකය සොයමින් සිටින බව සඳහන් කළේය.

උගන්ඩාවේ තිබෙන ඩොලර් මෙරටට ගේනවා යැයි නිලන්ති කොට්ටහචිච් සිදුකළ ප්‍රකාශය මෙන් මෙය ඇගේ තවත් එක් ටොන් පචයක් යැයි කියා අමතක කළ නොහැකි බව ඒ මහතා පැවසීය.

ජාතික ජන බලවේගයේ මන්ත්‍රීවරියන් දිගින් දිගටම අධිකරණයට අපහාස කරන බව පෙන්වා දුන් උදය ගම්මන්පිල මහතා ඊට ඉඩදී බලා සිටිය නොහැකි බව තවදුරටත් අවධාරණය කළේය.